«400 հազար փող ենք տվել՝ ելակի շիթիլ դրել, ո՞վ պտի փոխհատուցի». արմավիրցիներ

194

Շաբաթ, 26 հունիսի, 2021 թ., 14:25

Ինչպես հայտնել էինք, ոռոգման ջրի պահանջով գյուղացիներն առավոտից փակել են Երևան-Արմավիր ճանապարհը: «Եկել եմ՝ ասեմ, որ կանալը վթարված ա, 10 մետր ջուր ա լցվում տները, մանկապարտեզները, հիմա վերանորոգում ենք: Գիշերն էլ ենք աշխատել, մինչև այսօր ժամը երեքը կվերջացնենք»,- դիմելով հավաքվածներին՝ ասաց «Ջրառ»-ի գլխավոր ինժեները:

Ի պատասխան արմավիրցիների՝ «մի շաբաթ ա էս վիճակն ա» արձագանքի, ասաց. «Մի շաբաթ չի, երեկ չէ առաջին օրն է ձեր ջուրը կտրվել»:

«Ախպերական գնա, հոպա՛ր, դու մեր հարցերին չես կարում պատասխանես.... Ինչ կա՝ չորանում ա, դրա պատասխանն ո՞վ պտի տա: Կլուբնիկը գիտե՞ս ինչ ա, ամեն օր պտի ջրես, որ կպնի: Մարդը 400 հազար փող ա տվել՝ շիթիլ ա առել, ո՞վ պտի տա էտի»,- հավելեցին արմավիրցիները: