«Արմավիրցիներն ընտրել են Նիկոլին, հիմա Նիկոլից ջուր են պահանջում․ արտառոց բան չկա»․ Ա․ Խաչատրյան

Գյուղատնտեսության նախկին նախարար, «Հայաստան» դաշինքի անդամ Արթուր Խաչատրյանը ֆեյսբուքյան իր էջում գրել է. «Արմավիրցիներն ընտրել են նիկոլին, հիմա նիկոլից ջուր են պահանջում: Դրանում որևէ արտառոց ու անտրամաբանական բան չկա: Բա ումի՞ց պահանջեն: Հո ինձանից չե՞ն պահանջելու:
Արտառոցն ու անտրամաբանականն այլ է: Արմավիրի գյուղերից մեկում նիկոլը խոսեց Երևանի կենտրոնում գտնվող բուհերի շենքերը վաճառելու ու Երևանից դուրս ակադեմիական քաղաք կառուցելու մասին: Ընտրողները հրճվանքի մեջ էին: Մի խինդ, մի ուրախություն: Ոչ ընտրողները, ոչ ընտրվողները չխոսեցին գյուղատնտեսական քաղաքականության մասին, չխոսեցին ոռոգման ջրի մասին, չխոսեցին միրգն ու բանջարեղենը թունաքիմիկատներով լցոնելու ու մարդկանց թունավորելու մասին: Դա ընտրողներին ու ընտրվողներին հետաքրքիր չէր:
Ըստ այդմ, կոչ եմ անում մարզային ճանապարհը բացել, գալ Ալեք Մանուկյան փողոցը փակել ու փակ պահել այնքան ժամանակ քանի դեռ Մայր բուհի շենքը նիկոլը չի վաճառել ու Արշալույսում ակադեմիական քաղաք չի կառուցել»: