«Ադրբեջանի հետ պետք է բանակցվի և հասկացվի՝ էդ մարմիններն ո՞ւր են տարվել». անհայտ կորածի հարազատ

«Արդեն ութ ու կես ամիս մեր երեխան անհայտ կորած է: Շատ ծնողներ իրենց տանը անհույս նստած են, մի մասը եկել է՝ հարցեր ուղղելու վարչապետին: Դուք չեք պատկերացնում, թե մենք ինչ ենք զգում, երբ մտածում ենք, թե մեր երեխաների հետ ամեն օր ինչպես են վարվում այնտեղ: Եկել ենք ասենք, որ ամեն մի օրը շատ կարևոր է»,- Կառավարության դիմաց՝ ներկայացնելով իրենց խնդիրներն ու պահանջները, ասացին անհայտ կորած զինվորների հարազատները:

«Մենք ուզում ենք հասկանալ մեր երեխաների ճակատագիրը՝ հոկտեմեբերի 12-ից հետո: Մեր երեխաների մարմինները նույնիսկ չեն հանվել այնտեղից: Ադրբեջանի հետ պետք է բանակցվի և հասկացվի՝ էդ մարմիններն ո՞ւր են տարվել: Երկրորդը՝ մենք պետք է հասկանանք, ովքեր են հավանական ողջերը, և դրա շրջանակում աշխատանքներ տարվեն»,- ասացին նրանք: