Արարատի մարզում երիտասարդներ են դանակահարվել

Արարատի մարզում երկու երիտասարդներ են դանակահարվել։

Ըստ ֆոտոլրագրող Գագիկ Շամշյանի, ոստիկանության Մասիսի բաժինն այսօր՝ ժամը 01:50-ի սահմանում, «Էրեբունի» բժշկական կենտրոնից ահազանգ է ստացել, որ «կրծքավանդակի ձախ կեսի կտրած-ծակած թափանցող վերք, հեմոպնեմոթորաքս, վերին վերջույթների կտրած վերքեր» ախտորոշմամբ իրենց մոտ է տեղափոխվել մի քաղաքացի, իսկ մեկ այլ քաղաքացի էլ տեղափոխվել է «կրծքավանդակի ձախ կեսի կտրած-ծակած վերք» ախտորոշմամբ: Բժիշկները ոստիկաններին հայտնել են, որ վիրավորներն ի վիճակի չեն բացատրություն տալու ու մինչ բժիշկները պայքարում են նրանց կյանքի համար Մասիսի ոստիկանները օպերատիվ տեղեկություններով պարզել են՝ վիրավորներն են՝ Մասիս քաղաքի բնակիչ, 29-ամյա Արթուր Հայրապետյանը և Երևանի բնակիչ, 29-ամյա Գրիգոր Վարպետյանը:

Ոստիկանները ձեռնարկում են անհրաժեշտ օպերատիվ-հետախուզական միջոցառումներ՝ պարզելու համար՝ որտեղ և ինչ պայմաններում են նշված անձինք դանակահարվել:

Առավել մանրամասն՝ սկզբնաղբյուրում: