Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Թուրքիան Փաշինյանին է հրամցնելու փաստաթուղթ, որը կարողացել են չեզոքացնել ՀՀ 3 նախագահները». թուրքագետ

«Թուրքիան Փաշինյանին է հրամցնելու փաստաթուղթ, որը կարողացել են չեզոքացնել ՀՀ 3 նախագահները». թուրքագետ
232
Չորեքշաբթի, 30 հունիսի, 2021 թ., 21:54

ԵՊՀ Արևելագիտության ֆակուլտետի դեկան, թուրքագետ, «Հայաստան» դաշինքի անդամ Ռուբեն Մելքոնյանն այսօր «168 ժամ»-ի եթերում հայտնել է, որ Հայաստանի համար խիստ անընդունելի ու վտանգավոր է հայկական Շուշի քաղաքում ստորագրված թուրք-ադրբեջանական դեկլարացիան, որով Թուրքիան պատրաստվում է ռազմաբազա տեղակայել Հաավային Կովկասում։

«Սա գերկարևոր հանգամանք է, սա սարսափելի մեծ վտանգներ է կրում իր մեջ Հայաստանի և Արցախի մնացյալ հատվածի ու ամբողջ տարածաշրջանի համար։ Շուշիի հռչակագրով Թուրքիան մտնում է Հարավային Կովկաս՝ ռազմական ներկայություն ունենալու համար։ Այդ բազան սպառնալիք է նաև Իրանին և Ռուսաստանին։ Այդ ռազմաբազան տեղակայելուց հետո տեղի է ունենալու Արցախի օկուպացված տարածքների գաղափարական օկուպացիա, օրինակ, Շուշիում կբացվեն դպրոցներ, հյուպատոսություն և այլն։ Նայեք, թե Սիրիայում ինչ է կատարվում այն տարածքներում, որոնք զավթում է թուրքական բանակը։ Շուշիի հռչակագրում հատուկ շեշտվում է «Զանգեզուրի միջանցքի» գաղափարը և հիշատակվում Կարսի պայմանագիրը, ինչը շատ տարօրինակ է։ Կարսի պայմանագրի հիշատակման պատճառն այն է, որ, ըստ իս, այն փաստաթուղթը, որը Թուրքիան հրամցնելու է Հայաստանին՝ Փաշինյանին, ուղիղ կապ ունի դրա հետ. դրանում լինելու է Կարսի պայմանագրի ճանաչումը, որը Թուրքիայի գերնպատակն է եղել, սակայն Հայաստանի բոլոր 3 նախագահները կարողացել են այդ նպատակը չեզոքացնել»,- ընդգծել է Մելքոնյանը։

Մանրամասները՝ տեսանյութում:

«Թուրքիան Փաշինյանին է հրամցնելու փաստաթուղթ, որը կարողացել են չեզոքացնել ՀՀ 3 նախագահները». թուրքագետ