«Դուրս ենք գալու Ռուսաստան-Թուրքիա-Ադրբեջան մամլիչի տակից․ այլ ելք չկա»․ Արմեն Վարդանյան

Քաղաքագետ Արմեն Վարդանյանը ֆեյսբուքյան իր էջում գրել է․ «Եվրամիությունը պատրաստվում է առաջիկա 5 տարիներին մեկուկես միլիարդ եվրոյից ավելի գումար հատկացնել Հայաստանին հինգ առանցքային ծրագրերի, այդ թվում՝ Սյունիքի մարզի զարգացման համար: Ծրագիրը ենթադրում է
1. Աջակցել 30,000 մանր ու միջին բիզնեսների՝ կայուն, նորարար և մրցունակ տնտեսության համար,
2. Խթանել սոցիալ-տնտեսական զարգացումը և հաղորդակցությունը՝ աջակցելով Հյուսիս-Հարավ միջանցքին,
3. Ներդրումներ տեղեկատվական տեխնոլոգիաների, գիտության ու տեխնիկայի ոլորտներում,
4. Ամրապնդել հարավային շրջանների դիմադրողականությունը,
5. Ներդրումներ կանաչ Երևանի համար՝ էներգիայի արդյունավետ օգտագործման և բնությանը ավելի քիչ վնաս հասցնող ավտոբուսների գործարկման ուղղությամբ:
Դուրս ենք գալու Ռուսաստան-Թուրքիա-Ադրբեջան մամլիչի տակից: Այլ ելք չկա»: