«Հազարավոր հեկտար հողեր վաճառվում են տարբեր երկրների քաղաքացիների, այդ թվում՝ թուրքերի». Գառնիկ Իսագուլյան

«Ազգային անվտանգություն» կուսակցության նախագահ Գառնիկ Իսագուլյանը «Փաստինֆո»-ի եթերում հայտարարել է, որ Հայաստանում հազարավոր հեկտար հողեր վաճառվում են տարբեր երկրների քաղաքացիների, այդ թվում՝ թուրքերի: «Հազարավոր հեկտարներ Արմավիրի, Արագածոտնի մարզերում... Ստեղծում են ՍՊԸ, արաբական անուն-ազգանունով մարդիկ, ու ցանկապատում են այդ հեկտարները: Պարզվում է՝ մեր օրենքում բաց կա, որ ՍՊԸ-ն կարող է տարածք սեփականաշնորհել: Հետո էդ հազարավոր հեկտարները մաս-մաս իրար մեջ բաժանում են»,- ասաց նա՝ խոսքն ուղղելով ԱԱԾ-ին. «Պատրաստ եմ փաստաթուղթ ներկայացնել, որ գնան, ստուգեն: Զգուշացնում եմ, ուրիշ ի՞նչ անեմ, լծակ չունեմ, որ գնամ՝ արգելեմ»,- հավելեց բանախոսը: