«Ստանիսլավ Զասի հայտարարությունները հիմք են տվել, որ Ադրբեջանը սահմանային միջադեպ հրահրի»․ Արմեն Գրիգորյան

Ադրբեջանի կողմից Գեղարքունիքի մարզի Վերին Շորժա համայնքում կազմակերպված պրովոկացիայի վրա որոշակիորեն ազդել են ՀԱՊԿ-ի կողմից հնչեցված որոշ հայտարարություններ։ Այս մասին Հանրային հեռուստաընկերության եթերում ասել է ՀՀ ԱԽ քարտուղար Արմեն Գրիգորյանը՝ անդրադառնալով այսօր հայ-ադրբեջանական սահմանին տեղի ունեցած միջադեպին:

«Պարոն Զասի տված հարցազրույցում մեր հիմնական անհանգստությունն այն էր, որ ոչ կառուցողական բնույթի հայտարարությունները խաղաղ հանգուցալուծման գործընթացի վրա կարող են բացասական ազդեցություն ունենալ և նման հայտարարություններն Ադրբեջանին պրովոկացիայի դիմելու հիմքեր են տալիս:

Սա սահմանային միջադեպ չէ, սահմանային միջադեպը չի կարող տևել երկու ամիս։ Պարոն Զասը նշել էր, որ զոհ չի եղել, բայց զոհ եղել է»,- ասել է Գրիգորանը։
Գրիգորյանի կարծիքով՝ նաև տեղեկատվության պակասի խնդիր կա, ինչի վերաբերյալ ևս քննարկում է եղել։

ԱԽ քարտուղարը նշել է, որ քայլեր են ձեռնարկում ՀԱՊԿ քարտուղարության այցը Հայաստան կազմակերպելու ուղղությամբ։

Մանրամասները՝ տեսանյութում: