«Չգրանցված շարժական կետերը կտարհանվեն». քաղաքապետարան

Երևանի քաղաքապետի մամուլի խոսնակ Հակոբ Կարապետյանը ֆեյսբուքյան իր էջում գրել է. «Երևանի քաղաքապետարանը սկսել է ինտենսիվ կերպով տարհանել նաև ոչ սահմանաված վայրերում կայանված շրջիկ առևտրի կետերը։
Շրջիկ առևտրի համար քաղաքի ավագանին, ի կատարումն ԱԺ ընդունած օրենքի, հատուկ վայրեր է սահմանել, որտեղ գործունեություն ծավալելու համար անհրաժեշտ է գրանցվել arevtur.yerevan.am կայքում։ Չգրանցված շարժական կետերը կտարհանվեն՝ համապատասխան իրավական հետևանքներով հանդերձ:
Կայքում հասանելի է շրջիկ առևտրի մասին ամբողջ տեղեկատվությունը»։