«Արայիկ Հարությունյանի հետ հանդիպմանը բացակայում է Արցախի դրոշը». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Շուշիում հայտարարեցիր՝ Արցախը Հայաստան է և վերջ, սակայն պատերազմից հետո վախենում ես Արցախ գնալ։ Արայիկ Հարությունյանի հետ հանդիպման ժամանակ բացակայում է Արցախի դրոշը, գուցե Արցախն արդեն միացրե՞լ ես Հայաստանին, տեղյակ չենք։ Ալիևը ստեղծել է Արևելյան Զանգեզուրի տնտեսական գոտին, Ադրբեջանի Միլլի Մեջլիսում ելույթներ են հնչել, որ Զանգեզուրը, Երևանը ադրբեջանական հին տարածքներ են, Նիկոլ Փաշինյանն էլ զբաղված է իր քայլարածներին բարձր պաշտոններով պարգևատրելով։ Ամեն ժողովուրդ արժանի է այն իշխանությանը, որին ինքն է ընտրել։ Խորհրդարանական ընտրությունները լեգիտիմ չեն, դրանք կեղծված են, վարչական ռեսուրսներն անխնա օգտագործվել են, սակայն ընտրողների մի մասը, 400-500 հազար ընտրող, քվեարկել է պատերազմ հրահրած, պատերազմում խայտառակ պարտված, Արցախի փաստացի անկախությունը, Արցախի մեծ տարածքները կորցրած, հազարավոր զոհերի, 11 հազար վիրավորի, բազում անհետ կորածների ու գերիների համար գերագույն գլխավոր պատասխանատուին և մեղավորին։ Դե, վայելե՛ք ձեր ընտրության ծանր հետևանքները»: