«Նիկոլ Փաշինյանի հետ վերջին անգամ ե՞րբ եք կապի մեջ եղել». Արա Զոհրաբյանը՝ Մուկուչյանին

Ներկայացնում ենք ՍԴ այսօրվա նիստի ժամանակ «Զարթոնք» կուսակցության ղեկավար Արա Զոհրաբյանի հարցադրումները ԿԸՀ նախագահ Տիգրան Մուկուչյանին ու վերջինի պատասխանները.

Արա Զոհրաբյան- Նիկոլ Փաշինյանի հետ վերջին անգամ ե՞րբ եք կապի մեջ եղել՝ հանդիպման, հեռախոսի կամ կապի այլ միջոցներով:

Տիգրան Մուկուչյան- Երբեք... ոչ էլ խոսել եմ:

Արա Զոհրաբյան- 10.06.2021թ. մամուլում տեղեկություն էր տեղ գտել՝ «Նիկոլ Փաշինյանի ու Տիգրան Մուկուչյանի միջև վեճ ու քաշքշուկ է եղել», ինչպես կմեկնաբանեք:

Տիգրան Մուկուչյան- Բացարձակ ու լկտի սուտ է:

Արա Զոհրաբյան- Ինչո՞ւ չեք միջամտել, երբ Փաշինյանը նման հռետորաբանությամբ քարոզչություն էր իրականացնում:

Տիգրան Մուկուչյան- Երեկ այդ հարցին պատասխանել եմ. միջամտության այն ձևը, որն ուներ հանձնաժողովը, արտահայտել է ձեր դիմումով կայացված որոշմամբ. դա է եղել պատճառը: