«Հորդորում եմ չօգտագործել նման բառեր, հակառակ դեպքում կստանա շատ կոշտ պատասխան». Էրիկ Ալեքսանյանը՝ ՀՔԾ խոսնակին

Գորիսի համայնքապետ Առուշ Առուշանյանի պաշտպան Էրիկ Ալեքսանյանը ֆեյսբուքյան իր էջում գրել է. «ՀՔԾ մամուլի քարտուղարը այս հայտարարությունը տարածելիս հանդես է գալիս, որպես քրեական գործ հարուցելու զեկուցագիր կազմող քրեադատավարական սուբյե՞կտ, թե՞ զուտ հանրությանը տեղեկատվություն փոխանցող: Հենց այս տեղեկությունը պարզաբանվի, սպառիչ արձագանք կտանք: Միաժամանակ հրապարակում եմ քննչական խմբի այն որոշումը որն ինձ և դատարանին է տրամադրվել ու հորդորում եմ ունենալ կամք սխալները ընդունելու մասով և հորդորում եմ նաև մամուլի քարտուղարին հետայսու իմ հայտարարություններին արձագանքելիս չօգտագործել «մանիպուլյատիվ» «էժանագին» բառերը, հակառակ դեպքում հաջորդ անգամ կստանա շատ կոշտ պատասխան»: