Չորեքշաբթի, 25 մարտի, 2026 թ.
|
Ստեփանակերտում`   +8 °C

Ադրբեջանում 13 հայ ռազմագերի դատապարտվեց 6 տարվա ազատազրկման

Ադրբեջանում 13 հայ ռազմագերի դատապարտվեց 6 տարվա ազատազրկման
659
Հինգշաբթի, 22 հուլիսի, 2021 թ., 20:12

Բաքվի դատարանը 6 տարվա ազատազրկման է դատապարտել 13 հայ գերիներին։ Այդ մասին հայտնել են ադրբեջանական լրատվամիջոցները:

Նշվում է, որ խիստ ռեժիմի բանտում պատիժը կրելուց հետո նրանք բոլորը հարկադրաբար կարտաքսվեն երկրից:

Հիշեցնենք, որ մեղադրյալի աթոռին են Հայկազ Հովհաննիսյանը, Վարազդատ Մանուկյանը, Դավիթ Ստեփանյանը, Լևոն Թոսունյանը, Արթուր Բաղդասարյանը, Սերոբ Ավագյանը, Վարազդատ Հարությունյանը, Ժորա Մանուկյանը, Հրայր Հերաբյանը, Նարեկ Գասպարյանը, Գրիգոր Կյուրեղյանը, Աշոտ Գևորգյանը և Մարտին Աղրամանյանը։

Ադրբեջանի Պետական անվտանգության ծառայության գլխավոր քննչական վարչությունում հարուցվել էր քրեական գործ՝ 2020 թվականի դեկտեմբերի 13-ին, Խծաբերդ-Հին Թաղեր հատվածում, հայ ռազմագերիների գերեվարման կապակցությամբ, որոնք մեղադրվում էին, իբր նոյեմբերի 9-ի միացյալ հայտարարությունից հետո ադրբեջանական վերահսկողության տակ անցած տարածքներ ներթափանցելու մեջ։

Հիշեցնենք նաև, որ հայ զինվորականներին «ահաբեկչական և դիվերսիոն գործողություններ կատարելու» կեղծ մեղադրանք է ներկայացվել: