«Դժոխքով անցած, պատերազմ ապրած ու փրկված տղերքը վերադառնում են»․ Մկրտիչ Իսրայելյան

Լրագրող Մկրտիչ Իսրայելյանը ֆեյսբուքյան իր էջում գրել է․ «Զորացրումը սկսվել է ու տղերքը վերադառնում են։ Դժոխքով անցած, պատերազմ տեսած, պատերազմ ապրած ու փրկված տղերքը վերադառնում են։ Էս օրերին հաճախ ես լսում, տեսնում էդ երջանիկ օրվան սպասող զինվորներին ու նրանց հարազատներին։ 20 տարեկան ընդամենը, բայց մի ամբողջ կյանքի բեռ ու ցավ ուսերին վերցրած են գալիս։ Նրանք ապրելու են մեր կողքին ու շատ կարեւոր է ուշադրությունը նրանց նկատմամբ, դժոխքի միջով անցած ու ճակատագրով փրկված մարդկանց նկատմամբ»։