Նոր Նորքում հնչած կրակոցներից հետո 6 անձ է բերման ենթարկվել

1208

Շաբաթ, 31 հուլիսի, 2021 թ., 14:30

Այսօր՝ հուլիսի 31-ին, կրակոցներ էին հնչել Նոր Նորքում գործող «Պալաս» առևտրի կենտրոնի հետնամասում։

Ինչպես հայտնել էր ֆոտոլրագրող Գ. Շամշյանը, ոստիկանները պարզել էին, որ Երևանի բնակիչ 31-ամյա Բաբկեն Մ-ն, Կոտայքի մարզի բնակիչ 29-ամյա Սերգեյ Ս-ն, Երևանի բնակիչներ 38-ամյա Վահե Մ-ն և 36-ամյա Պետրոս Մ-ն կենցաղային հարցերի շուրջ վիճաբանել են Երևանի բնակիչներ 36-ամյա Արման Հ-ի, 61-ամյա Արթուր Դ-ի հետ, որի ընթացքում վիճաբանությունը վերածվել է ծեծկռտուքի, փոխադարձ հարվածներ են հասցրել միմյանց։ Այդ ընթացքում Արման Հ-ն իր մոտ եղած ատրճանակից մի քանի անգամ կրակոցներ է արձակել օդ։

Նոր Նորքի ոստիկանները Բաբկեն Մ-ին, Սերգեյ Ս-ին, Վահե Մ-ին, Պետրոս Մ-ին, Արման Հ-ին, Արթուր Դ-ին տաք հետքերով հայտնաբերել ու բերման են ենթարկել ոստիկանության Նոր Նորքի բաժին։

Մանրամանսերը՝ սկզբնաղբյուրում: