«Հիմա կասեք՝ մարդը նվիրաբերել է հանուն հայրենիքի պաշտպանության, իսկ ինչո՞ւ հեղափոխությունից հետո». Լենա Նազարյան

«Հայաստանի երրորդ նախագահ Սերժ Սարգսյանի եղբայրը՝ Ալեքսանդր Սարգսյանը ԱԱԾ քննչական դեպարտամենտում քրեական գործի նախաքննության ընթացքում «հարկային ստուգումների արդյունքում առաջացած հարկային պարտավորությունների կատարման նպատակով ՀՀ պետական բյուջե է փոխանցել 3 մլրդ 165 մլն ՀՀ դրամ, ինչպես նաև հայրենիքի պաշտպանության համար սպառազինություն ձեռք բերելու նպատակով իր նախաձեռնությամբ նվիրաբերել է 19.000.000 ԱՄՆ դոլար գումար»,- այս մասին այսօր ԱԺ ամբիոնից հայտարարեց ՔՊ-ական պատգամավոր Լենա Նազարյանը։

«Հիմա կասեք՝ մարդը նվիրաբերել է հանուն հայրենիքի պաշտպանության, լավ, իսկ ինչո՞ւ է նվիրաբերել հեղափոխությունից հետո։ Կարող ա՞ ուզում էր աջակցել հեղափոխությանը։ Միգուցե, ժողովրդական լեզվով ասած, 50-50 տոկոսները իրավական լեզվով հարկային պարտականությունների չկատարումն էր»,- նշեց Նազարյանը։