Թուրքիայում ջրհեղեղի հետևանքով 4 մարդ է մահացել

854

Հինգշաբթի, 12 օգոստոսի, 2021 թ., 11:24

Թուրքիայի սևծովյան ափին գտնվող Քասթամոնու նահանգում հորդառատ անձրևների հետևանքով 4 մարդ է մահացել: Այդ մասին հայտնել է երկրի արտակարգ իրավիճակների և տարերային աղետների կառավարման վարչությունը:

«Քասթամոնու նահանգում ջրհեղեղի հետևանքով 4 մարդ է մահացել, 1-ն անհետ կորել է Բարթընում»,- հայտնել է գերատեսչությունը:

Նշվում է, որ տարերային աղետի շրջանում որոնողափրկարարական աշխատանքները շարունակվում են: Ավելի վաղ թուրքական իշխանությունները հայտնել էին Սինոփ, Բարթըն, Քասթամուն նահանգներում ջրհեղեղի և հորդառատ անձրևների հետևանքով 13 տուժածի մասին, տարհանվել է Սինոփ նահանգի Այվանջիկ քաղաքի հիվանդանոցը: