«Ուժային կենտրոնների համար նշանակություն ունենք ինչպես մենք, այդպես էլ Ադրբեջանը»․ Հակոբ Բադալյան

Քաղաքական մեկնաբան Հակոբ Բադալյանի գրառումը. «Դեռ ոչ ոք չի՞ ասել «մենք մերժեցինք ամերիկացիների մեկնած ձեռքը, Բաքվում ԱՄՆ դեսպանը ստիպված ելավ, գնաց Նախիջևան». դեռ կասեն, հաստատ:
Ինչպես, օրինակ, ասվում է, որ «Ռուսաստանը հասկացավ, որ Ադրբեջանը խաբել» է, թե՝ «խաբում» է, կամ՝ «գցում», մի խոսքով՝ Ռուսաստանը հասկացավ: Վաղը, երբ ռուսները Ադրբեջանին հաճո մի քայլ կանեն, կամ մի քանի քայլ, փաստորեն, կստացվի, որ Ռուսաստանը նորից սկսեց «չհասկանալ»:
Իսկ գուցե մի օր բոլորս կհասկանանք, որ ուժային կենտրոններն, ընդհանրապես, ունեն իրավիճակները հասկանալու, գնահատելու, անգամ ուղղորդելու, մեղմ ասած, անհամեմատ ավելի մեծ կարողություններ, քան՝ մեզնից յուրաքանչյուրը: Եվ նրանցից յուրաքանչյուրը ոչ թե հասկանում, կամ չի հասկանում, այլ մասնակցում է մեծ խաղին, որտեղ նրանցից յուրաքանչյուրի համար նշանակություն ունենք ինչպես մենք, այդպես էլ Ադրբեջանը, ու այդ նշանակությունները, որքան էլ հնչի տարօրինակ, նրանցից բոլորի, բոլորի համար՝ միմյանց «չհակասող» են»: