«Արմեն Սարգսյանի որդին չի ուզո՞ւմ գա, երեք ամսով ծառայի»․ Էդիկ Բաղդասարյան

Հետաքննող լրագրող Էդիկ Բաղդասարյանի գրառումը․ «Պաշտոնյաները, նրանց որդիները զորկոչվելո՞ւ են, ասենք, նախագահ Արմեն Սարգսյանի որդին չի ուզո՞ւմ գա, երեք ամսով ծառայի: Թե՞ այդպես էլ խոպան է մնալու Հայաստանը Սարգսյան ընտանիքի համար: Բոլոր պաշտոնյաներին՝ պատգամավորներ, նախարարներ, դատավորներ, քննիչներ, զանազան վարչության պետեր, եթե տարիքը անցել է, նրանց որդիները պարտավոր են, օրինակ, ծառայել և մասնակցել պահեստազորայինների եռամսյա վարժական հավաքներին: Երկուշաբթի օրը քայլե՛ք դեպի զինկոմիսարիատներ, առաջի՛նը եղեք: Միայն դրանից հետո շատ արագ կկահավորվեն դիրքերը, վրանների, հանդերձանքի համար այլևս ֆեյսբուքում դրամահավաք չի լինի: Զորակոչե՛ք նաև Գագիկ Ծառուկյանի որդուն, գուցե վերջապես կառուցի խոստացած զորամասը»: