«Պաշտպանության նախարարը, թողած բոլոր հարցերը, խոսում է բանակում սննդի մասին». Լ. Ալավերդյան

«Վերջերս նշանակված Պաշտպանության նախարարը, թողած բոլոր հարցերը, իհարկե, ես բան չեմ ասում, որովհետև նա պրոֆեսիոնալ է... ես շատ կարևորում եմ սնունդը բանակում, բայց չեմ կարծում ամենացավոտ, արդիական հարցն այսօր դա է. երբ որ վտանգը կքում է: Դա ոչ թե սպառնալիք է, այլ, պարզապես հայտարարում են, թե ինչ է մեզ սպասվում»,- այսօր հրավիրած մամուլի ասուլիսի ժամանակ մտահոգություն հայտնեց իրավապաշտպան Լարիսա Ալավերդյանը:

«Ես համոզված եմ, որ կարելի է սննդի հետ միասին խոսել նրա մասին, թե վերջապես ի՞նչ քայլեր են ձեռնարկվում բանակի քայքայման պրոցեսը կանգնեցնելու համար»,- ասաց Ալավերդյանը:

«Հետաքրքիրն այն է, որ այս բոլորն արվում է ժողովրդի անունից: Սիրելինե՛րս, ում ընտրել եք, արդեն կապ չունի. բայց կարող եք չէ՞ վերջապես հասկանալ, որ այն, ինչ արվում է, չի վերջացել նոյեմբերի 9-ին, որ մենք երկրի քայքայման նոր փուլ ենք մտել»,- նշեց իրավապաշտպանը: