Կիրակի, 14 սեպտեմբերի, 2025 թ.
|
Ստեփանակերտում`   +13 °C

«Վախկոտ և անմարդկային հարձակում». համաշխարհային առաջնորդները քննադատում են Քաբուլում տեղի ունեցածը

«Վախկոտ և անմարդկային հարձակում». համաշխարհային առաջնորդները քննադատում են Քաբուլում տեղի ունեցածը
1223
Ուրբաթ, 27 օգոստոսի, 2021 թ., 15:42

Մի շարք երկրների առաջնորդներ ցավակցություններ են հղել և քննադատել Քաբուլի օդանավակայանի մոտ տեղի ունեցած ահաբեկչությունները, որի հետևանքով կան բազմաթիվ զոհեր և վիրավորներ։ Այս մասին գրում է The Washington Post-ը։

Եվրոպայի խորհրդի ղեկավար Ուրսուլա ֆոն դեր Լյայենը՝ թվիթերյան իր էջում այն անվանել է «վախկոտ և անմարդկային հարձակում»՝ հավելելով, որ պետք է ամեն ինչ անել՝ օդանավակայանում գտնվողների անվտանգությունն ապահովելու համար։

ՆԱՏՕ-ի գլխավոր քարտուղար Յենս Սթոլթենբերգը ևս խստորեն դատապարտել է տեղի ունեցածը։ Քննադատություններին են միացել նաև Ֆրանսիայի նախագահ Էմանուել Մակրոնը, Կանադայի վարչապետ Ջասթին Թրյուդոն, Իսրայելի վարչապետ Նաֆթալի Բաննեթը և այլք:

Հիշեցնենք, որ նախօրեին Քաբուլում երկու պայթյուն էր որոտացել։ Ահաբեկչության պատասխանատվությունը ստանձնել էր «Իսլամական պետություն» ահաբեկչական խմբավորումը։