«Հույս ունենք, որ Հայաստանը կենթարկվի հրադադարին և որևէ սխալ չի անի»․ Թուրքիայի ՊՆ ղեկավար
![]() 599 Չորեքշաբթի, 15 սեպտեմբերի, 2021 թ., 21:48 Թուրքիայի և Ադրբեջանի պաշտպանության նախարարները Թուրքիայի Քոնիա քաղաքում ներկա են գտնվել իրենց ռազմաօդային ուժերի «TURAZ բազե 2021» զորավարժությունների շրջանակներում անցկացվող միջոցառմանը, գրում է «Էրմենիհաբեր»-ը։ Թուրքիայի պաշտպանության նախարար Հուլուսի Աքարը ելույթ է ունեցել՝ անդրադառնալով թուրք-ադրբեջանական զորավարժությունների կարևորությանը, երկկողմ հարաբերություններին և Հայաստանից ունեցած սպասելիքներին: Աքարը զորավարժությունների մասին խոսելիս նշել է, որ դրանք մի կողմից վախ են ներշնչում իրենց թշնամիներին, մյուս կողմից ոգևորում են եղբայրներին ու բարեկամներին: Ընդգծել է, որ Ադրբեջանի դեմ յուրաքանչյուր սպառնալիք Թուրքիան ընկալում է որպես իր դեմ ուղղված սպառնալիք: Ըստ աղբյուրի՝ Աքարը խոսել է նաև արցախյան 44-օրյա պատերազմից հետո գործարկված ռուս-թուրքական մշտադիտարկման կենտրոնի գործունեության և Ադրբեջանի վերահսկողության տակ անցած տարածքներում Թուրքիայի՝ Ադրբեջանին ցուցաբերվող աջակցության մասին. «Հաջողությամբ ավարտված ռազմական գործողությունից հետո հիմնված համատեղ կենտրոնում Թուրքիայի զինուժը և ռուս զինվորականները միասին ծառայություն են իրականացնում՝ հետևում են հրադադարին, միասին ջանքեր են գործադրում հրադադարը մնայուն դարձնելու համար: Միաժամանակ Թուրքիայի զինուժն իր հնարավորությունների սահմաններում ջանքեր է գործադրել և գործադրում ինքնաշեն պայթուցիկների հայտնաբերման, վնասազերծման ու ականազերծման գործում»: Աքարի դիտարկամամբ՝ Թուրքիայի և Ադրբեջանի միջև կնքված «Շուշիի հռչակագիրը» ցույց է տալիս երկու երկրների միջև համագործակցության առկա մակարդակը ու սահմանում հարաբերությունների հետագա զարգացման ճանապարհային քարտեզը: Հայաստանի վերաբերյալ Աքարը հետևյալ շեշտադրումներն է արել. «Կարևոր է, որ մեր հարգարժան նախագահի և պարոն Ալիևի կողմից Հայաստանին մեկնված խաղաղության ձեռքը, խաղաղության հասնելու համար արված առաջարկը ստանա փոխադարձ արձագանք: Թեև առ այսօր, ցավոք, որևէ պատասխան չի ստացվել, բայց կան որոշ նշույլներ: Մեր նպատակն է, որ կողմերը ապրեն խաղաղ, ապահով և բարեկեցիկ: Հույս ունենք, որ Հայաստանը կենթարկվի հրադադարին, որևէ սխալ չի անի, և տարածաշրջանում հրադադարը կդառնա մնայուն և կապահովվի կայունությունը»: |

«Զարմանալի չէ, որ Ալիևի «հատուկ նշանակության քաղաքացիականներին» ընդունել է ԱԽ քարտուղարը»․ Հակոբ Բադալյան
21302:06
«Վարչախմբի գործելաոճը պետական ահաբեկչության երանգներ է ստանում»․ «ՀայաՔվե»
24801:06
«Խաղից հանում են ընդդիմության վարչապետի թեկնածուին»․ Տիգրան Աբրահամյան
24400:24
«Նիկոլական աղբակույտի պերճանքն ու թշվառությունն ամփոփված է տեր Հուդայի շուրջ հյուսվող էպոպեի մեջ»․ Միհրան Հակոբյան
261Երեկ, 23:30
«Սրանով «կառավարությունը ես եմ» մոդելն ավելի է ընդհանրանում՝ ճյուղավորվելով ամենուր»․ Արմեն Հովասափյան
231Երեկ, 22:54
«Նիկոլի սիրտը արյուն է ուզում․ չտրվե՛ք սադրանքների»․ Նաիրա Զոհրաբյան (տեսանյութ)
250Երեկ, 22:36
«Կադիրովականներն ընդդեմ «ԿԳԲ»-ականների»․ Հակոբ Բադալյան
326Երեկ, 21:24
Թեժ վեճ ԱԺ նիստից հետո՝ Ալեն Սիմոնյանի և Արթուր Խաչատրյանի միջև (տեսանյութ)
368Երեկ, 20:18
