Կիրակի, 06 հուլիսի, 2025 թ.
|
Ստեփանակերտում`   +17 °C

«ՌԴ 35 ներկայացուցչի նկատմամբ պատժամիջոցներ սահմանելը խորհրդարանական վարժանք է». Պեսկով

«ՌԴ 35 ներկայացուցչի նկատմամբ պատժամիջոցներ սահմանելը խորհրդարանական վարժանք է». Պեսկով
1098
Հինգշաբթի, 23 սեպտեմբերի, 2021 թ., 16:00

ԱՄՆ Ներկայացուցիչների պալատի հանձնաժողովի հաստատած փաստաթուղթը, որով առաջարկվում է դիտարկել Ռուսաստանի 35 ներկայացուցչի նկատմամբ պատժամիջոցների սահմանումը՝ «խորհրդարանական վարժանք է»: Այս մասին այսօր հայտարարել է ՌԴ մամլո-խոսնակ Դմիտրի Պեսկովը: Նրա խոսքով, գաղտնիք չէ, որ Կոնգրեսում, տարբեր հանձնաժողովներում կան մեծ թվով մարդիկ, ովքեր լավատեղյակ չեն ռուսական իրականությանը և, միևնույն ժամանակ, չեն սիրում Ռուսաստանը:

Հիշեցնենք, որ ԱՄՆ Կոնգրեսի Ներկայացուցիչների պալատի կանոնակարգի հանձնաժողովը հավանություն էր տվել օրինագծին, որն առաջարկում էր պատժամիջոցներ սահմանել 35 քաղաքացիների դեմ, ովքեր Վաշինգթոնի կարծիքով, առնչություն ունեն մարդու իրավունքների խախտումների հետ: Հրապարակված ցուցակի առանցքային անձինք են ՌԴ վարչապետ Միխայիլ Միշուստինը, ՌԴ նախագահի մամլո խոսնակ Դմիտրի Պեսկովը, Ռոսգվարդիայի տնօրենը, ՌԴ քննչական կոմիտեի ղեկավարը, ՌԴ առողջապահության նախարարը, Մոսկվայի քաղաքապետը: Բացի այդ, պատժամիջոցային նոր ցուցակում կարող են հայտնվել բիզնեսմեն Ռոման Աբրամովիչը, «Ռոսնեֆթի» և «Գազպրոմի» ղեկավարները, ինչպես նաև RT հեռուստաալիքի գլխավոր խմբագիր Մարգարիտա Սիմոնյանը, «Առաջին ալիքի» գլխավոր տնօրենն ու մի շարք այլ մարդիկ: Ներկայացուցիչների պալատը նաև հավանություն է տվել Ռուսաստանի պետական ​​պարտքի նկատմամբ պատժամիջոցների խստացման վերաբերյալ օրինագծին: