«Սա բացասական հետևանքներ կունենա Արցախի համար». Ոսկան Սարգսյան

Լրագրող Ոսկան Սարգսյանի գրառումը. «Ադրբեջանական լրատվամիջոցը,հղում անելով իրանական «Մեհր» գործակալությանը, հայտնում է, որ Իրանի ավտոճանապարհների և ավտոճանապարհային կառավարման վարչության գլխավոր տնօրեն Մոհամմադ Ջավադ Հեդայաթին տրանսպորտային ընկերությունների արհմիություններին ուղարկած նամակում հիշեցրել է Հայաստանի տարածքով Ղարաբաղ և Լաչին ավտոմեքենաների մուտքի արգելքի մասին, հայտնելով, որ դա Ադրբեջանի տարածքային ամբողջականության խախտում է։ Այսպիսով, իրանական ֆուռերը Հայաստանի տարածքով, Բերձորով Արցախ չեն մտնի, և դա բացասական հետևանքներ կունենա Արցախի համար։ Սույն տեղեկությունը հնարավոր չի լինի ճշտել Հայաստանի իշխանությունից, որը նույնիսկ Փայլասարի հանձնումն է թաքցնում հանրությունից»: