«Ի՞նչ «դրական ազդկաներ» եք թուրքերին ուղղում և թուրքերից ստանում». Արման Աբովյան

Նախկին պատգամավոր Արման Աբովյանը գրում է. «Թուրքիայի և Հայաստանի իշխանությունների քաղաքական սիրախաղն ընթանում է դասական կանոնների համաձայն։ Հետաքրքիր է հետևել, թե ինչպես իրար պատկերավոր օդային պաչիկներ՝ այլ կերպ ասած «դրական ազդակներ» են ուղարկում թուրք և հայ պաշտոնյաները։

Սկզբից հայկական իշխանությունները խոսեցին թուրքական «դրական ազդակների» մասին, սակայն չմանրամասնեցին, թե այդ ի՞նչ խորհրդավոր ազդակներ են և ինչո՞ւ են դրական։ Այսօր ադրեն Թուրքիայի ԱԳՆ-ի ղեկավար Մեվլյութ Չավուշօղլուն ընգծել է, որ արդեն Թուրքիան է ստացել Հայաստանի իշխանություններից շատ խոստումնալից «դրական ազդակներ»։

Տղե՛րք, էս ի՞նչ «դրական ազդկաներ» եք թուրքերին ուղղում և թուրքերից ստանում։

Չեմ ուզում առայժմ ինչ-որ եզրակացություն անել, սակայն եթե հստակ և պարզ չպարզաբանեք, թե իրականում ի՞նչ գործընթացներ եք գեներացնում հայ-թուրքական հարաբերությունների ուղղությամբ, ապա այս անհասկանալի շղարշը, որով պատված է թուրքերի հետ միանշանակ բերելու է շատ և շատ վատ հետևանքների։

Մի ամաչեք, տղե՛րք, մի՛ նեղվեք, պատմեք մարդկանց, թե ի՞նչ «դրական ազդակներ» եք ուղարկել թուրքերին։ Սիրտներդ թեթևացրեք»։