«Միջանցք լինելու է, բազառն այն է, թե ով է վերահսկելու»․ Արմեն Աշոտյան

«Մեզ հիմա փորձում են համոզել, որ «միջանցքի» տրամաբանություն չի լինելու։ Հիմա մի վատ բան եմ ուզում ասել՝ ձեզ խաբում են, ժողովո՛ւրդ ջան․ ձեզ խաբում է ԱԽ քարտուղարի պաշտոնը զբաղեցրած էակը, ձեզ խաբում է արտգործնախարարը, փոխվարչապետը, վարչապետը։ Միջանցքային տրամաբանություն կա դրված՝ նոյեմբերի 9-ին ստորագրված փաստաթղթում»,- այսօր տեղի ունեցած մամուլի ասուլիսի ժամանակ հայտարարեց ՀՀԿ փոխնախագահ Արմեն Աշոտյանը։

«9-րդ կետում գրած է, որ Ադրբեջանը Նախիջևանին կապող տրանսպորտային ուղին վերահսկվելու է ռուսական սահմանապահ զորքերի կողմից․․․։ Միջանցք բոլոր դեպքերում լինելու է: Խնդիրն այլ տեղ է. այդ միջանցքը կառավարելու են, վերահսկելու են մեր ռազմավարական դաշնակից ՌԴ ուժերը, թե՞ ադրբեջանաթուրքական ուժերը: Միջանցք լինելու է, ով է վերահսկելու՝ սա է բազառը, մնացածը սուտ է»,- ասաց Աշոտյանը։