«Այդպես տոտալ վերահսկվում են միայն տխմարներից ու դեբիլներից բաղկացած ժողովուրդները». Թորոս Ալեքսանյան

Վերլուծաբան Թորոս Ալեքսանյանը ֆեյսբուքյան իր էջում գրել է. «Կրեմլից նիկոլին ասում են՝ հլու-հնազանդ մեր ծրագրերը կիրականացնես, գործից չենք ազատի, կաշխատես ինչքան ցանկանաս, քոչին էլ ասում են՝ հլու-հնազանդ մեր գծած սխեմայով ընդդիմադիր տրամադրություն ունեցողներին կուղորդես, նիկոլին գործից կազատենք և քեզ կնշանակենք նրա փոխարեն: Իսկ այն մարդկանց համար, ովքեր նիկոլին ու քոչին չեն հավատում, Կրեմլը այլ տիպի կուսակցություններ է ստեղծում իր մյուս գործակալների միջոցով, որ այդ մարդկանց էլ դրանց օգնությամբ կառավարելի դարձնի:
Այսինքն, Հայաստանի ժողովուրդը տոտալ վերահսկվում է Կրեմլի կողմից, և ո՞վ է մեղավոր, իհարկե մեր ժողովուրդը, որովհետև այդպես տոտալ վերահսկվում են միայն տխմարներից ու դեբիլներից բաղկացած ժողովուրդները, որոնք այդօրինակ պրիմիտիվ բաները հասկանալու ունակություն չունեն:
Գնալով մի բան եմ հասկանում, որ աստծուց անչափ գոհ պիտի լինենք, որ մինչև այսօր Հայաստան անունով երկիր կա ու կա ժողովուրդ, որը իրեն հայ է կոչում. որովհետև համաձայն բոլոր հասարակագիտական ու քաղաքագիտական օրենք-օրինաչափությունների, դրանք իրենց հոգևոր անկյալության ու մտավոր խիստ սնանկության պատճառով վաղուց պիտի պատմության գիրկը անցած լինեին»: