«Մեր առողջապահական համակարգն առաջնորդվում է «փող պոկելու» սկզբունքով»․ լրագրող

Լրագրող Անի Հովահաննիսյանը ֆեյսբուքյան իր էջում գրել է․ «Ուրեմն, եթե վճարովի քովիդ թեստ ես հանձնում, 1 օրում պատասխանը ստանում ես: Բայց, երբ իրոք սիմպտոմներ ունես և բժիշկը ուղեգրել է պետպատվերի շրջանակում հանձնել, 2-3 աշխատանքային օրում ես ստանում պատասխանը: Այսինքն՝ հնարավորություն կա արագ իմանալու, բայց դա փողով է:
Երկրորդ դեպքում, երբ սիմպտոմներ ունես, շատ ավելի վտանգավոր է ամեն օր ուշացնելը թե՛ քո, թե՛ կողքիդ գտնվողների համար: Առաջին դեպքում՝ սովորաբար ճամփորդելու կամ գործատուին ներկանացնելու համար ես հանձնում, այսինքն՝ առողջ ես:
Մեր առողջապահական համակարգն առաջնորդվում է «փող պոկելու» սկզբունքով, ոչ թե իսկապես բուժելու, վարակի դեմն առնելու: Եվ մեծ հավանականությամբ հենց այս սկզբունքի պատճառով է ժամանակին բուժում չանելն ու մահերի նման ցուցանիշը:
ՀՀ առողջապահության նախարարություն, ես էլ, չնայած թույլ ու վատ վիճակիս, այս անգամ որոշեցի իմ վճարելու սկզբունքը խախտել ու գնալ պետպատվերի ճանապարհով: Հուսամ, երբ երեքշաբթի-չորեքշաբթի թեստի պատասխանը ստանամ, ուշ չի լինի»: