Մոսկվան և Անկարան հաստատել են «3+3» ձևաչափի շուտափույթ գործարկման անհրաժեշտությունը

989

Երկուշաբթի, 15 նոյեմբերի, 2021 թ., 20:48

Մոսկվան և Անկարան հայտարարել են «3+3» ձևաչափի շուտափույթ գործարկման անհրաժեշտության մասին։ Այս մասին նշվել է Ստամբուլում Ռուսաստանի փոխարտգործնախարար Անդրեյ Ռուդենկոյի և Թուրքիայի փոխարտգործնախարար Սեդաթ Օնալայի խորհրդակցությունների ժամանակ, հայտնել է ՌԴ ԱԳՆ-ն։

«Բաքվի և Երևանի միջև հարաբերությունների կարգավորման համատեքստում նշվել է Ռուսաստանի, Ադրբեջանի և Հայաստանի ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի եռակողմ պայմանավորվածությունների հետևողական իրականացման կարևորությունը։ Ընդգծվել է մոտ ապագայում Հարավային Կովկասի «3+3» (Ադրբեջան, Հայաստան, Վրաստան գումարած Ռուսաստան, Թուրքիա, Իրան) տարածաշրջանային խորհրդատվական մեխանիզմ գործարկելու հրատապությունը»,- ասվում է հաղորդագրությունում։