ՀՀ բնակչության քանի՞ տոկոսի համար են անհասանելի ժամանցը, հանգիստը, անսպասելի ծախսերը, հագուստը. «Փաստ»
533 Հինգշաբթի, 02 դեկտեմբերի, 2021 թ., 09:36 «Փաստ» օրաթերթը գրում է. «Վիճակագրական կոմիտեի՝ նախօրեին հրապարակած տվյալներով, Հայաստանում 2020 թ.-ին աղքատության մակարդակը գնահատվել է 27 %, որը 0,6 %-ով բարձր է 2019-ի ցուցանիշից: Սակայն, մասնագետների համոզմամբ, այս ցուցանիշը, ցավոք, չի արտացոլում իրական պատկերը: «Հայաստան» դաշինքի պատգամավոր, տնտեսագետ Թադևոս Ավետիսյանը թերթի հետ զրույցում նշել է, որ, այդուամենայնիվ, աղքատության մակարդակի աճն անգամ վիճակագրական ցուցանիշներով է էական, և սոցիալական խնդիրների էլ ավելի խորացման վտանգ կա: «Աղքատություն ծնող, տնտեսական արագ վերականգնմանը խոչընդոտող գործոնները ոչ միայն չեն վերանում, այլ առաջանցիկ ավելանում են՝ բերելով արդեն լրացուցիչ հետևանքների», - նշեց նա: Սրանից բացի, ՎԿ-ն հաշվարկել է նաև զրկվածության աստիճանը: Սա այն ցուցանիշն է, որը վկայում է մարդկանց կողմից որոշ ցանկալի կամ նույնիսկ անհրաժեշտ ապրանքների ձեռք բերման անկարողությունը: Հրապարակված ցուցանիշներից տեղեկանում ենք, որ ՀՀ բնակչության 78 %-ը իրեն չի կարող թույլ տալ առնվազն մեկ շաբաթ տևողությամբ արձակուրդը տնից հեռու անցկացնել: 68 %-ը առանց պարտք վերցնելու չի կարող 45 000 դրամի չափով անսպասելի ծախս կատարել, իսկ 75 %-ը չի կարող իրեն թույլ տալ կանոնավոր մասնակցել վճարովի ժամանցային այնպիսի միջոցառումների, ինչպես սպորտը, կինոն, համերգը և այլն: Բնակչության 47 տոկոսը չի կարող իրեն թույլ տալ օրը մեջ մսով, հավով, ձկով կամ համարժեք բուսակերային այլ կերակուր ուտել, 60 %-ն էլ չի կարող ավտոմեքենա ունենալ: 51 տոկոսը չի կարող ամիսը առնվազն մեկ անգամ որևէ խնջույքի մասնակցել, 42 %-ը՝ ապահովել տան բավարար ջերմությունը: Մեր բնակչության 30 տոկոսը չի կարող փոխարինել մաշված հագուստը նորով: Առավել մանրամասն՝ թերթի այսօրվա համարում
|
«Այդ սյունը կարող են կոխել մի լավ տեղ». Հրանտ Բագրատյան (տեսանյութ)
3512:30Իրավիճակը Կիրանցում՝ ուղիղ միացմամբ (տեսանյութ)
4312:24«Պատրաստվում ենք հարգել Ցեղասպանության զոհերի հիշատակը, ոստիկաններն իզուր են այդքան լարված»․ Տավուշի բնակիչ
7512:06Բաղանիս-Ոսկեպար ճանապարհը բաց է
9112:00Մանասյանը՝ Տոնոյանին տեսակցելու մասին (տեսանյութ)
5911:54«Մի՛ փորձեք Սփյուռքը հակադրել Հայաստանին»․ Արամ Ա-ն՝ Էրդողանին (տեսանյութ)
7011:48«Գնդապետի ինքնազգացողությունը վատ է»․ Սյուզի Բադոյան
9411:36«Արիությանը վախկոտություն մի՛ խառնեք». վեհափառի պատգամը՝ իշխանություններին (տեսանյութ)
7710:54