Ուրբաթ, 04 հուլիսի, 2025 թ.
|
Ստեփանակերտում`   +16 °C

«Հերթական կարևոր իրադարձությանն եմ ցանկանում անդրադառնալ». Արայիկ Հարությունյան

«Հերթական կարևոր իրադարձությանն եմ ցանկանում անդրադառնալ». Արայիկ Հարությունյան
2989
Ուրբաթ, 03 դեկտեմբերի, 2021 թ., 09:54

Արցախի Հանրապետության նախագահ Արայիկ Հարությունյանը ֆեյսբուքյան իր էջում գրել է. «Հարգելի՛ հայրենակիցներ, հետպատերազմյան մեծ դժվարությունների հաղթահարման այս փուլում հերթական կարևոր իրադարձությանն եմ ցանկանում անդրադառնալ. նոյեմբեր ամսվա ընթացքում Արցախում 178 ծնունդ է գրանցվել։ Նախորդ ամիսների համեմատ՝ այդ թիվը ռեկորդային է և ամենամոտը մինչև պատերազմն ունեցած ցուցանիշներին։ Մեր հաջողությունների իրական գրավականը ժողովրդագրական աճն է։ Ուզում եմ հավաստիացնել, որ Կառավարությունը ջանք ու եռանդ չի խնայելու տարբեր ծրագրերի միջոցով Արցախում ապրող հայության բնական և մեխանիկական աճը խթանելու համար։

Անհոգ մանկություն մեր բոլոր բալիկներին։ Իսկ նորածինները թող Հայրենիքի հարատևման ու խաղաղության խորհրդանիշը դառնան»։

Աղբյուրը`   Արայիկ Հարությունյան