«Մենք թույլ չենք տա, որ ԵՄ-ն աչք փակի այս ապօրինությունների վրա»․ Ռոբերտ Ամստերդամ

Միջազգային իրավապաշտպան, Սամվել Կարապետյանի փաստաբանական խմբի անդամ Ռոբերտ Ամստերդամը ֆեյսբուքյան էջում տեսանյութ է հրապարակել՝ կից գրառմամբ․ «Այն, ինչ տեղի է ունենում Հայաստանում, իրավական և բարոյական բոլոր սահմանների խախտում է։

Քաղաքական մրցակիցներին «ջախջախելու» հրապարակային սպառնալիքները և հենց ընտրությունների օրը ընդդիմության կողմնակիցների մասսայական ձերբակալությունները բացահայտ բռնատիրության դրսևորումներ են․ միակ նպատակը՝ արմատախիլ անելն է ընդդիմությանը։ Մենք թույլ չենք տա, որ Եվրոմիությունը՝ Ուրսուլա ֆոն դեր Լայենի գլխավորությամբ, աչք փակի այս ապօրինությունների վրա։ Սատարելով այս կեղծված ընտրությունները՝ ԵՄ-ն դավաճանում է սեփական արժեքներին՝ հանուն Ռուսաստանի հանդեպ կուրացնող ատելության և ի հաշիվ հայ ժողովրդի շահերի։
Մենք կգործենք օրենքի շրջանակներում, բայց իրավական պատասխանատվության ենք ենթարկելու բոլորին՝ ընդհուպ մինչև ապօրինի հրամաններ կատարողներին։
Այս գոյաբանական պայքարում վախը չի՛ հաղթելու»։