«Էսքանից հետո ի՞նչ ունենք կորցնելու, որ համաձայնվում ենք նման գերկործանարար ձևաչափին»․ Ահարոն Վարդանյան

Իրանագետ Ահարոն Վարդանյանը ֆեյսբուքյան իր էջում գրել է. «Մի փայլուն դիվանագետ (համացանցում կարող եք փնտրել ու գտնել, թե ով) ժամանակին ասել է, որ պարտված կողմի համար բանակցություններում ավելի հեշտ է, քանի որ այլևս ոչինչ չունի կորցնելու, ամեն ինչ պատերազմում կորցրել է։ Հետևաբար, բանակցություններն այդ կողմի համար մի բան պոկելու համար պետք է լինի։
Հիմա, այս ամենը հաշվի առնելով, ուզում եմ հասկանամ, մեր ինչի՞ն է պետք էդ 3+3-ը, ի՞նչ է մեզ տալու էդ ձևաչափը, որ չի տա ԵԱՀԿ Մինսկի խումբը։ Արդեն պարտվել ենք, կորցրել ենք ռազմավարական գրեթե բոլոր կարևոր դիրքերը, Սյունիքի մարզում ռուսական զորքերն են, ընդհատվել է Իրան-Հայաստան ցամաքային կապը, Հյուսիս-Հարավ և Պարսից ծոց-Սև ծով միջանցքները այլևս չեն կարող անցնել Հայաստանով, որովհետև Հայաստանում պարզապես չկա համապատասխան ճանապարհ։
Էսքանից հետո ի՞նչ ունենք կորցնելու, որ համաձայնվում ենք մեր համար նմանատիպ գերկործանարար ձևաչափին»։