Մոլդովայի հատուկ ծառայության աշխատակիցները ձերբակալել են Սեմյոն Պեգովին

Մոլդովայի հատուկ ծառայությունների աշխատակիցները ձերբակալել են և խուզարկության են ենթարկել ռուս ռազմական լրագրող Սեմյոն Պեգովին: Այս մասին «Թելեգրամ»-ի իր էջում գրել է ՌԴ պետդդումայի պատգամավոր Արտյոմ Տուրովը:

«Սեմյոնը նկարահանել է դրվագներ՝ Մերձդնեստրի հակամարտության, իրադարձությունների և դրա կարգավորման գործում Ռուսաստանի Դաշնության և ռուս խաղաղապահների դերի մասին:

Բացի հեռախոսների, նոութբուքի և այլ սարքավորումների մանրազնին զննությունից և ուսումնասիրությունից, հատուկ ծառայության աշխատակիցները բացահայտ սպառնացել են ՌԴ քաղաքացուն, որ կհանձնեն Ուկրաինայի ուժայիններին»,- գրել է Տուրովը՝ նշելով, որ մեկ ժամ պահելուց հետո, բաց են թողել լրագրողին: