Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«ՄԱՊ-ի Ալիկի» որդին ինքնակամ ներկայացել է ոստիկանություն

«ՄԱՊ-ի Ալիկի» որդին ինքնակամ ներկայացել է ոստիկանություն
490
Չորեքշաբթի, 15 դեկտեմբերի, 2021 թ., 23:36

Երեկ՝ դեկտեմբերի 14-ին, ոստիկանության Արաբկիրի բաժնի քրեական հետախուզության բաժանմունքի ծառայողների կողմից ձեռնարկված բացատրական աշխատանքների արդյունքում ոստիկանության Արաբկիրի բաժին են ներկայացել ԱԺ նախկին պատգամավոր, գործարար, «ՄԱՊի Ալիկ» մականվամբ Ալեքսան Պետրոսյանի որդին՝ 39-ամյա Մակար Պ-ն և 46-ամյա Լևոն Խ-ն։
Ինչպես հայտնում է ֆոտոլրագրող Գագիկ Շամշյանը, վերջիններիս նկատմամբ քրեական գործ է հարուցվել է ՀՀ քր.օր-ի 133 հոդվածի 1-ին մասի (անձին ապօրինի ազատությունից զրկելը) հատկանիշներով։
Կայքի տեղեկություններով՝ ոստիկանության Արաբկիրի բաժնի հետաքննական բաժանմունքում հարուցված քրեական գործը փոխանցվել է Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին։

Ավելի վաղ հայտնել ենք, որ դեկտեմբերի 13-ին՝ ժամը 23:35-ի սահմաններում, «Նաիրի» բժշկական կենտրոնից ոստիկանության Արաբկիրի բաժին ահազանգ է ստացվել, որ «գլխի շրջանի հեմատոմա և սալջարդներ»/ ախտորոշմամբ իրենց մետ է տեղափոխվել մի քաղաքացի:
Ոստիկանները պարզել են, որ նույն օրը Արմավիրի մարզի բնակիչներ, 39-ամյա Մակար Պ.-ն և 46-ամյա Լևո Խ.-ն Կոմիտաս պողոտայի 8 հասցեում՝ «ՄԱՊ» ընկերության գրասենյակում, վիճաբանել են Սամվել Ծ.-ի հետ, նրան, ըստ վերջինիս հայտարարության, փակելով և ազատությունից ապօրինի զրկելով, ձեռքերով, ոտքերով և զենքի կոթով հարվածներ են հասցրել մարմնի տարբեր մասերին, պատճառելով մարմնական վնասվածքներ:
Փաստի առթիվ ավագ հետաքննիչի կողմից նշանակվել է դատաբժշկական փորձաքննություն:
Աղբյուրի տեղեկություններով՝ Մակար Պ.-ն հայտնի գործարար, «Մապի Ալիկ» մականվամբ Ալեքսան Պետրոսյանի որդին է: