«Տնօրենի երկվություն ստեղծելու և դրանով դպրոցներում կամք թելադրելու մղումը նոր չէ»․ Արթուր Խաչատրյան

«Եթե էդ հարցերը կարևոր են, կարևորությանը համարժեք պետք է ժամանակ տրամադրել, որ տեղի ունենա քննարկում խորհրդարանում»,- այսօր՝ մտքերի փոխանակման ժամանակ անդրադառնալով Կառավարության ներկայացրած «Հանրակրթության մասին» օրենքում փոփոխություններ և լրացումներ կատարելու մասին հարցին, ԱԺ ամբիոնից ասաց «Հայաստան» խմբակցության պատգամավոր Արթուր Խաչատրյանը։

«Եթե կարևորից բացի նաև հրատապ է, ուրեմն պետք է շուտ ներկայացվեր։ Վստահ եմ, որ երկու տնօրենի երկվություն ստեղծելու և դրանով իսկ դպրոցներում կամք թելադրելու մղումը նոր չի եղել։ Ուրիշ բան, որ մղումը վատն էր, բայց եթե դա կար, շուտ բերեիք ձեր փաստարկները ներկայացնեիք»,- ասաց նա։