«Խաթարվում է Մամիկոն Ասլանյանի ընտրելու և ընտրվելու իրավունքը». իրավիճակը` Վանաձորում

Վանաձորի համայնքապետարանում առավոտյան ավագանու նիստ էին գումարել։ Նիստը չկայացավ. Լուսավոր Հայաստան կուսակցության հայցադիմումը դատարանի կողմից վարույթ էր ընդունվել:

Ինչպես արդեն տեղեկացրել էինք, «Լուսավոր Հայաստան» կուսակցությունը դիմել էր դատարան՝ ընտրությունների արդյունքները վիճարկելու պահանջով։

«Հայրենիք» կուսակցության անդամ Արսեն Բաբայանը ֆեյսբուքյան իր էջում գրել է. «Վարչական դատարանը, դատավոր Հրաչ Այվազյանի դեմքով, միացավ իրավական բանդիտիզմին: Սույն դատավորը Վանաձորի ավագանուն ապօրինաբար արգելել է այսօր ընտրել համայնքի ղեկավար»:

Հիշեցնենք՝ «Մամիկոն Ասլանյան» կուսակցությունների դաշինքի Վանաձորի համայնքապետի թեկնածու Մամիկոն Ասլանյանը կալանավորված է: