Ղազախստանում անկարգությունների ժամանակ 160-ից ավելի մարդ է զոհվել

1753

Կիրակի, 09 հունվարի, 2022 թ., 19:06

Ղազախստանում զանգվածային անկարգությունների ժամանակ 164 մարդ է զոհվել։ Այս մասին հայտնել է երկրի առողջապահության նախարարությունը։ Նշվում է, որ նրանցից 103-ը զոհվել է Ալմաթիում։

«Խաբար 24» հեռուստաալիքը տվյալներով՝ զոհերից 3-ը երեխաներ են:

«Զոհերի թվում կան նաև անչափահասներ։ Ղազախստանի երեխաների օմբուդսմենը հաստատել է 11–ամյա և 15–ամյա դեռահասի, ինչպես նաև չորսամյա աղջկա զոհվելու մասին»,– հաղորդում է հեռուստատեսությունը։

Հիշեցնենք, որ Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին հեղուկ գազի թանկացման պատճառով։ Բողոքի ակցիաների ժամանակ բախումներ էին տեղի ունեցել ցուցարարների և ուժայինների միջև։

Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։