«Ռուսաստանը չի կարող Ուկրաինային արգելել՝ դառնալ ՆԱՏՕ-ի անդամ». Սթոլթենբերգ

1158

Չորեքշաբթի, 12 հունվարի, 2022 թ., 19:00

ՆԱՏՕ-ի դաշնակիցները համաձայն են, որ Ռուսաստանը չի կարող վետո սահմանել Ուկրաինայի՝ դաշինք մտնելու վրա և պատրաստ են աջակցել Կիևին, հայտարարել է ՆԱՏՕ-ի գլխավոր քարտուղար Յենս Սթոլթենբերգը։
«Յուրաքանչյուր պետություն իրավունք ունի ընտրելու իր ուղին… Դաշնակիցները նաև համաձայն են, որ միայն Ուկրաինան և դաշինքի 30 դաշնակիցներ կարող են որոշել, թե երբ է Ուկրաինան պատրաստ՝ դառնալու դաշինքի անդամ։ Ուրիշ ոչ ոք: Ռուսաստանը չի կարող վետո դնել ՆԱՏՕ-ի՝ Ուկրաինայի անդամակցության վրա»,- ասել է նա չորեքշաբթի օրը՝ Բրյուսելում կայացած ՆԱՏՕ-Ռուսաստան խորհրդի նիստից հետո:
Նա հավելել է, որ ՆԱՏՕ-ն պատրաստ է աջակցելու Կիևին ՆԱՏՕ-ին անդամակցելու ճանապարհին, ինչպես նաև օգնելու՝ բարեփոխել և արդիականացնել զինված ուժերը։