«Հայ օլիգարխներին սպասվում է թուրքի սպասարկու դառնալու ճակատագիր»․ Վահե Գրիգորյան

«Հայրենիքի փրկության շարժման» իրավական հանձնախմբի քարտուղար Վահե Գրիգորյանը ֆեյսբուքյան իր էջում գրել է. «Հայ օլիգարխներին սպասվում է թուրքի սպասարկու դառնալու ճակատագիր. դա է լինելու այն գինը, որ իրենք վճարելու են իրենց անսահման ժլատության ու փողապաշտության համար:
Միակ ու բարձրագույն արժեքը դիտարկելով որպես փողը՝ նրանք երբեք ներդրում չարեցին Հայկականի զարգացման համար, հասարակության որոշ շերտերի սոցիալ-տնտեսական խնդիրները լուծելու համար. լավագույն դեպքում սահմանափակվեցին մեկական եկեղեցի կառուցելով ու մարդկանց բրինձ-կարագ-հնձկաձավար հատկացնելով:
Ամեն մեկը, որ գլոբալ առումով կարող էր սեփական Ազգային դպրոցը հիմնադրել ու ֆինանսավորել անհատական հակակշիռ ծրագրեր, մտածեց միայն իր բիզնես շահի մասին՝ առանց հասկանալու, որ կրթական համակարգում ներդրումը հարատև արդյունք է բերում և քաղաքական կապիտալի և ճիշտ սերնդափոխության լավագույն միջոցն է:
Արդյունքում իրենց եսասիրության, սեփական անձը առավել դասը և միայն առկա կապիտալը հնարավորինս արագ բազմապատկելու դիմաց նրանց բոլորին սպասում է մեկ միասնական ճակատագիր՝ թուրքի առաջ խոնարհված նրա սպասարկուի կարգավիճակով:
Րաֆֆին հանճարեղ է ասել, որ
«Վաճառականը՝ մեր հասարակության բոլորովին ավերված և վնասակար մասն է. նրանցից մենք ոչինչ բարիք չենք սպասում։ Նրանք պաշտում են իրանց քսակը և ավելի ոչինչ։ Վաճառականը ազգ և հայրենիք չունի, նրա հայրենիքն այնտեղ է, որտեղ են նրա շահերը»»։