«Բացահայտ սուտ է»․ Սերժ Սարգսյանը՝ Նիկոլ Փաշինյանի հայտարարության մասին

«Նիկոլ Փաշինյանը մեծամտորեն հայտարարում է, թե ինքն ամբողջությամբ տիրապետում է բանակցային գործընթացին վեաբերվող ամբողջական ինֆորմացիային, բացարձակ սուտ է։ Սուտ է այն պատճառով, որովհետև անհնար է ընթերցել փաստաթղթերն ու ամբողջապես տեղյակ լինել բանակցային գործընթացի մասին, փաստաթուղթ ընթերցելով դա անհնար է, նույնիսկ ես չեմ կարող ասել, որ ես ամբողջովին տիրապետում եմ բոլոր մանրամասներին», - ԼՂ հիմնախնդրի բանակցային գործընթացի վերաբերյալ իր հարցազրույցում հայտարարեց ՀՀ երրորդ նախագահը:

«Եթե այդպես մեծամտորեն հայտարարում են, որ տիրապետում են ամբողջական ինֆորմացիային, բա ինչպե՞ս եղավ, որ 2019 թվականին ընկան թակարդը, երբ որ իրենց առաջարկեցին նոր, այսպես ասեմ, փաստաթուղթ, և իրենք ընդունեցին այդ փաստաթուղթը որպես բանակցությունների համար հիմք, և մի ամբողջ տարի հայ հասարակությանը, և ոչ միայն հայ հասարակությանը, խաբում էին՝ ասելով հանդերձ, որ չկա բանակցային պրոցես»,- ասաց Ս․ Սարգսյանը: