«Այս գործընթացներն ուղիղ միջամտություն են իմ՝ որպես դատավորի լիազորությունների իրականացմանը»․ Բորիս Բախշիյան

«Ես կարծում եմ, որ այս գործընթացները, որոնք իմ նկատմամբ այժմ իրականացվում են, սրանք միմիայն ուղիղ միջամտություն է իմ՝ որպես դատավորի լիազորությունների իրականացմանը»,- այս մասին լրագրողների հետ զրույցում ասաց Սյունիքի մարզի առաջին ատյանի ընդհանուր իրավասության դատարանի դատավոր (որի լիազորությունները կասեցված են) Բորիս Բախշիյանը։

«Ցանկանում եմ, որպեսզի հանրությունն իմանա, որ ես իմ ամբողջ աշխատանքային գործունեության ընթացքում՝ սկսած քննիչի, դատախազի, նաև դատավորի աշխատանքում, մշտապես առաջնորդվել եմ իմ սեփական սկզբունքներով. դրանք հետևյալն են՝ օրենքի և խղճի առաջ իմ պատասխանատվությունը»,- հավելեց նա։

Նշենք, որ Երևան քաղաքի ընդհանուր իրավասության դատարանի Աջափնյակի նստավայրում քննվում է Բախշիյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։