«Հերյուրանքներ են, ես իշխանությունների հետ որևէ կապ չեմ ունեցել»․ Արմեն Չարչյան

«Արդեն կարող եմ անցնել աշխատանքի»,- այսօր՝ լրագրողների հետ զրույցում, ասաց «Հայաստան» խմբակցության պատգամավոր Արմեն Չարչյանը՝ նշելով, որ որոշակիորեն բարելավել է առողջական վիճակը։

Դիտարկմանը, թե լուրեր են շրջանառվում Չարչյանի՝ մանդատը դնելու մասին, և որ իբր իշխանությունները նրա առջև պայման են դրել, որ մանդատից հրաժարվելու դեպքում իրեն հանգիստ կթողնեն, Չարչյանն ասաց․ «Ես իշխանությունների հետ որևէ կապ չեմ ունեցել։ Իշխանությունները չեն փորձել որևէ կերպ կապի դուրս գալ այդ ուղղությամբ։ Այդ ամենը լրիվ մտացածին հերյուրանքներ են։ Եվ այդ հարցին ես պատասխանել եմ Մարկ Տվենի խոսքերով՝ իմ մահվան մասին լուրերը խիստ չափազանցված են»,- հավելեց նա։