«Արցախում լայնածավալ հոգեբանական պատերազմի նախանշաններ կան»․ Հայկ Դեմոյան

ՀՀ ԳԱԱ Հայոց Ցեղասպանության թանգարան-ինստիտուտի նախկին տնօրեն, պատմական գիտությունների դոկտոր Հայկ Դեմոյանը ֆեյսբուքյան իր էջում գրել է. «ԿՈՉ
Բոլոր արևմտամետներին, ռուսամետներին, ուկրաինագետներին ու ռուսիստներին, ռազմագետներին ու ստրատեգներին, հրթիռաբաններին ու փամփշտաբաններին, տանկագետներին ու դռոնոլոգներին կոչ եմ անում ուկրաինական տափաստաներից վերադառնալ միացյալ հայկական խրամատներ ու կրկին դիրքավորվել․․․ Մեր պատերազմը դեռ չի ավարտվել, իսկ մենք նորից հակադիր ճամբարներ ու ճակատներ ենք հարդարում իրար դեմ․․․ Արցախում լայնածավալ հոգեբանական պատերազմի նախանշաններ կան։ Սրա դեմ պետք է պայքարել ու չեզոքացնել նոր վտանգները․․․»։