«Ռուսական զինուժը դոփում է սահմանամերձ մի քանի շրջաններում». Հրանտ Տեր-Աբրահամյան

Հրապարակախոս Հրանտ Տեր-Աբրահամյանի գրառումը․ «Կարճ: Խարկովի գրավման հերթական փորձը, որն սկսվեց երեկ առավոտյան, ձախողվել է: Քաղաքը չի վերահսկվում ռուսական զինուժի կոմղից, թեև երեկ առավոտյան նրանք մտել էին քաղաք: Կիևի ուղղությամբ կուտակվում են ուժեր, բայց վճռական որևէ արդյունք չկա: Ռուսական առաջխաղացումը դանդաղորեն շարունակվում է հարավային ուղղությամբ (Բերդյանսկ, որը ռուսները վերցրել են և Նիկոլաև), բայց այստեղ էլ կիսաշրջափակված Մարիուոպոլն ուկրաինական վերահսկողության տակ է, և այստեղ կենտրոնացած են մարտունակ ուժեր: Մյուս տեղերում՝ Լուգանսկ, Դոնեցկ լոկալ իրադարձություններ են կամ համեմատական հանգիստ: Ռուսական ներխուժման առաջին երկու օրվա քարտեզը քիչ է փոխվել, ռուսական զինուժը դոփում է սահմանամերձ մի քանի շրջաններում: Ուզում եք ընդունեք, ուզում եք նեղացեք (չգիտեմ՝ ինչի), բայց էս ա իրավիճակը երեկ գիշերվա դրությմաբ: (Առավոտվանը շատ մանրամասն չեմ հասցրել նայել)»: