Արարատ Միրզոյանը՝ Հայաստանի և Թուրքիայի ներկայացուցիչների միջև երկրորդ հանդիպման մասին

«Գնահատում եմ դրական,- Հայաստանի և Թուրքիայի ներկայացուցիչների միջև տեղի ունեցած երկրորդ հանդիպման մասին ԱԺ-Կառավարություն հարցուպատասխանի ժամանակ ասաց ԱԳ նախարար Արարատ Միրզոյանը։
«Շատ ավելի կոնկրետ է եղել քննարկումը, քան ենթադրաբար և արդարացիորեն կարող էր լինել առաջին հանդիպումը։ Բայց միևնույն ժամանակ բոլորս հասկանում ենք, որ շատ շոշափելի արդյունքներ նույնիսկ երկրորդ հանդիպման համար դժվար է ակնկալել։ Երկրորդ հանդիպում մի գործընթացի, որը պիտի լուծումներ տա հարյուրամյակների կամ տասնամյակների խնդիրներին»,- նկատեց նախարարը։