«Նա չի ծխում, աղ չի օգտագործում․ սպասենք հաջորդ քմահաճույքներին»․ Ա․ Իշխանյան

րավապաշտպան Ավետիք Իշխանյանի գրառումը․ «ԱՂԱՄԱՆԻՑ ՄԻՆՉԵՎ ՄՈՐՈՒՔ

Առողջապահության նախարարությունն արգելում է սրճարանների, ռեստորանների սեղաններին աղաման դնելը։ Շուտով ուժի մեջ կմտնի նույն վայրերում ծխելու արգելքը։ Ինչպե՞ս կարելի է այս ամենը բացատրել։ Նախ ծխելու արգելքի մասին։ Շատ եվրոպական երկրներում նման վայրերում, իսկապես ծխելն արգելվում է։ Որոշ երկրներում ռեստորաններն ու սրճարաններն ունենում են տարբեր սրահներ՝ ծխողների և չծխողների համար։ Իսկ այդ բոլոր, շեշտում եմ բոլոր երկրներում բացօթյա սրճարաններում ծխելը թույլատրվում է։ Ինչ վերաբերում է աղամանին․․. ասելիք չունեմ։

Համոզված եմ, որ սրանք նախարարների ինքնուրույն որոշումները չեն, այլ կատարվել են վարչապետ-բռնապետիկի ցուցումումներով։ Ամենայն հավանականությամբ, այդ վարչապետ կոչված երևույթը, բոլորին ցանկանում է դարձնել իր նման և իր ճաշակով շարժվողներ։ Նա չի ծխում, աղ չի օգտագործում։ Սպասենք նրա հաջորդ քմահաճույքներին, օրինակ՝ բոլորը պետք է «տնական արաղ» խմեն կամ մորուք պահեն, ինչպես նրա նկարի առջև աղոթող, տնտեսական հրաշքներ գործող նախարարարները»։