«Ֆրանսիա Նիկոլ Փաշինյանի այցը կապ ունի ՌԴ-ի նկատմամբ կիրառվող պատժամիջոցների հետ»․ Բ․ Նավասարդյան

«Շատ լուրջ հիմքեր կան կասկածելու, որ Արցախում ռուսական խաղաղապահ առաքելությունը 5 տարուց ավելի կտևի։ Դա խոսում է այն մասին, որ Հայաստանը պետք է այլ երաշխիքներ գտնի սեփական և Արցախի անվտանգության համար։ Ուժեղացնի սեփական ռեսուրսը, բարձրացնի Հայաստանի արժեքը միջազգային հարաբերություններում տնտեսական և քաղաքական առումով, որոնք ազդեցություն կունենան և Թուրքիայի, և Ադրբեջանի վրա»,- «Ա1+»-ի հետ զրույցում ասաց Երևանի մամուլի ակումբի նախագահ Բորիս Նավասարդյանը։

Վերջինս գտնում է, որ այդ նպատակին կարող են ծառայել ԵՄ-ի կողմից խոստացված 2,6 մլն դոլար աջակցությունը և դրանով իրականացվող ծրագրերը։ Մինչդեռ, նրա ներկայացմամբ, ՀՀ իշխանություններն այդ ուղղությամբ բավարար ջանքեր չեն գործադրում։

Անդրադառնալով վարչապետ Նիկոլ Փաշինյանի՝ Ֆրանսիա կատարած այցին, ասաց, թե այն պայմանավորված է Արևմուտքի կողմից Ռուսաստանի ու Բելառուսի նկատմամբ կիրառվող պատժամիջոցներով։

Մանրամասները՝ տեսանյութում։