«Ձեր անդարդությունն աղով ու աղամանով կտրեմ»․ Սոֆյա Հովսեփյան

ԱԺ նախկին պատգամավոր Սոֆյա Հովսեփյանը գրում է. «Երբ ԱԺ-ում էկոնոմիկայի նախարարին հարցրեցի ցորենի ցանքսի ծավալների մեծացմանն ուղղված քայլերի, պարենային անվտանգության նոր ռազմավարության մշակման շուրջ, քանի որ մարտահրավերները փոխվել էին պատերազմից հետո, մարդիկ հարկ չհամարեցին հարցին պատասխանել և առաջարկեցին գրավոր դիմեմ։ Գրավոր դիմումին ի պատասխան եկավ երկու թուղթ ոչինչ չասող, սևացրած, ստերի տեղատարափով տեքստ։
Ոչ մի քայլ չարվեց, ավելին հիշեցնեմ, որ գյուղացիներին վաճառել էին սուբսիդավորվող գարի, որի վեգետացիոն շրջանը ավելի մեծ էր և գարնանացան չէր կարող լինել ու էդ գյուղացիներին չփոխհատուցեցին անգամ։
Հիմա աշխարհը խառնվել է իրար, մեր հացահատիկի պաշարի ամենամեծ մասը բերվում է Ռուսաստանից և Ուկրաինայից։
Ձեր անդարդությունը աղով ու աղամանով կտրեմ ու նորից հարցնեմ.
- Ի՞նչ է արվում հիմա, երբ գարնանացանի ժամանակն է...
- Ի՞նչ է պլանավորվում աշնանը...
- Պատասխանատուներն արդեն ճամպրուկներն հավաքե՞լ են...
- Ո՞րն է գեղեցիկ՝ ուժը, թե՞ խելքը...»։