Ինչու Արթուր Գևորգյանի գույքը կալանքից չեն հանում. «Ժողովուրդ»

«Ժողովուրդ» օրաթերթը գրում է. «ԱԺ նախկին պատգամավոր, ՀՀ նախկին ոստիկանապետ Վլադիմիր Գասպարյանի փեսայի՝ Արթուր Գեւորգյանի գույքը ևս կալանքի տակ է, ինչպես նախկին վարչապետ Հովիկ Աբրահամյանի՝ Մոնումենտի դղյակը: Նա ևս սեփականության իրավունքի խախտումը վերացնելու նպատակով դիմել է դատարան:

Դատարանը բավարարել է Գևորգյանի հայցը և քննիչին պարտավորեցրել վերացնել Գևորգյանի իրավունքների խախտումները: Ստացվում է, որ Հակակոռուպցիոն կոմիտեն նույն ջանասիրությամբ, ինչպես Հովիկ Աբրահամյանի առանձնատան դեպքում է արել, պետք է Գևորգյանի գույքը ևս կալանքից հաներ, սակայն մինչ օրս չի արել:

Թերթը դիմեց Հակակոռուպցիոն կոմիտե՝ հասկանալու համար, թե ինչու նախկին պատգամավոր Արթուր Գևորգյանի գործով գույքի նկատմամբ արգելանքը չեն հանել, եթե Առաջին ատյանի դատարանը նման որոշում է կայացրել, Վերաքննիչն էլ դատախազության բողոքը մերժել է, իսկ Հովիկ Աբրահամյանի տան մասով կողմնակալություն է արվել: Ի պատասխան՝ Կոմիտեից հայտնեցին. «Գործը նախաքննության փուլում է, և այս պահին նպատակահարմար չեն համարում այդ մասին տեղեկատվություն տալ»:

Առավել մանրամասն՝ թերթի այսօրվա համարում։